פסוקי ישועה — ליקוט מן המקרא לתפילה ולתקווה

“לישועתך קויתי יהוה” (בראשית מט, יח)

“ויאמר משה אל העם אל תיראו התיצבו וראו את ישועת יהוה אשר יעשה לכם היום כי אשר ראיתם את מצרים היום לא תספו לראתם עוד עד עולם” (שמות יד, יג)

“ותתפלל חנה ותאמר עלץ לבי ביהוה רמה קרני ביהוה רחב פי על אויבי כי שמחתי בישועתך” (שמואל א׳ ב, א)

“הנה אל ישועתי אבטח ולא אפחד כי עזי וזמרת יה יהוה ויהי לי לישועה” (ישעיהו יב, ב)

“ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו” (ישעיהו כה, ט)

“הרינו חלנו כמו ילדנו רוח ישועת בל נעשה ארץ ובל יפלו ישבי תבל” (ישעיהו כו, יח)

“יהוה חננו לך קוינו היה זרעם לבקרים אף ישועתנו בעת צרה” (ישעיהו לג, ב)

“והיה אמונת עתיך חסן ישועת חכמת ודעת יראת יהוה היא אוצרו” (ישעיהו לג, ו)

“ויאמר נקל מהיותך לי עבד להקים את שבטי יעקב ונצירי ישראל להשיב ונתתיך לאור גוים להיות ישועתי עד קצה הארץ” (ישעיהו מט, ו)

“שאו לשמים עיניכם והביטו אל הארץ מתחת כי שמים כעשן נמלחו והארץ כבגד תבלה וישביה כמו כן ימותון וישועתי לעולם תהיה וצדקתי לא תחת” (ישעיהו נא, ו)

“כי כבגד יאכלם עש וכצמר יאכלם סס וצדקתי לעולם תהיה וישועתי לדור דורים” (ישעיהו נא, ח)

“חשף יהוה את זרוע קדשו לעיני כל הגוים וראו כל אפסי ארץ את ישועת אלהינו” (ישעיהו נב, י)

“כה אמר יהוה שמרו משפט ועשו צדקה כי קרובה ישועתי לבוא וצדקתי להגלות” (ישעיהו נו, א)

“למען ציון לא אחשה ולמען ירושלם לא אשקוט עד יצא כנגה צדקה וישועתה כלפיד יבער” (ישעיהו סב, א)

“ואני בקול תודה אזבחה לך אשר נדרתי אשלמה ישועתה ליהוה” (יונה ב, י)

“רבים אמרים לנפשי אין ישועתה לו באלהים סלה” (תהלים ג, ג)

“למען אספרה כל תהלתיך בשערי בת ציון אגילה בישועתך” (תהלים ט, טו)

“ואני בחסדך בטחתי יגל לבי בישועתך אשירה ליהוה כי גמל עלי” (תהלים יג, ו)

“מי יתן מציון ישועת ישראל בשוב יהוה שבות עמו יגל יעקב ישמח ישראל” (תהלים יד, ז)

“נרננה בישועתך ובשם אלהינו נדגל ימלא יהוה כל משאלותיך” (תהלים כ, ו)

“יהוה בעזך ישמח מלך ובישועתך מה יגיל מאד” (תהלים כא, ב)

“גדול כבודו בישועתך הוד והדר תשוה עליו” (תהלים כא, ו)

“אלי אלי למה עזבתני רחוק מישועתי דברי שאגתי” (תהלים כב, ב)

“יהוה אלהי שועתי אליך ותרפאני” (תהלים ל, ג)

“ונפשי תגיל ביהוה תשיש בישועתו” (תהלים לה, ט)

“מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי” (תהלים מב, יב)

“מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי” (תהלים מג, ה)

“אך אל אלהים דומיה נפשי ממנו ישועתי” (תהלים סב, ב)

“אך הוא צורי וישועתי משגבי לא אמוט רבה” (תהלים סב, ג)

“אך הוא צורי וישועתי משגבי לא אמוט” (תהלים סב, ז)

“לדעת בארץ דרכך בכל גוים ישועתך” (תהלים סז, ג)

“ברוך אדני יום יום יעמס לנו האל ישועתנו סלה” (תהלים סח, כ)

“ואני עני וכואב ישועתך אלהים תשגבני” (תהלים סט, ל)

“ישישו וישמחו בך כל מבקשיך ויאמרו תמיד יגדל אלהים אהבי ישועתך” (תהלים ע, ה)

“כי לא האמינו באלהים ולא בטחו בישועתו” (תהלים עח, כב)

“יהוה אלהי ישועתי יום צעקתי בלילה נגדך” (תהלים פח, ב)

“הוא יקראני אבי אתה אלי וצור ישועתי” (תהלים פט, כז)

“ארך ימים אשביעהו ואראהו בישועתי” (תהלים צא, טז)

“שירו ליהוה ברכו שמו בשרו מיום ליום ישועתו” (תהלים צו, ב)

“הודיע יהוה ישועתו לעיני הגוים גלה צדקתו” (תהלים צח, ב)

“זכר חסדו ואמונתו לבית ישראל ראו כל אפסי ארץ את ישועת אלהינו” (תהלים צח, ג)

“זכרני יהוה ברצון עמך פקדני בישועתך” (תהלים קו, ד)

“עיני כלו לישועתך ולאמרת צדקך” (תהלים קיט, קכג)

“שברתי לישועתך יהוה ומצותיך עשיתי” (תהלים קיט, קסו)

“תאבתי לישועתך יהוה ותורתך שעשעי” (תהלים קיט, קעד)

“יהוה אדני עז ישועתי סכתה לראשי ביום נשק” (תהלים קמ, ח)

“שירו ליהוה כל הארץ בשרו מיום אל יום ישועתו” (דברי הימים א’ טז, כג)

“לא לכם להלחם בזאת התיצבו עמדו וראו את ישועת יהוה עמכם יהודה וירושלם אל תיראו ואל תחתו מחר צאו לפניהם ויהוה עמכם” (דברי הימים ב’ כ, יז)

“עזי וזמרת יה ויהי לי לישועה זה אלי ואנוהו אלהי אבי וארממנהו” (שמות טו, ב)

“ויאמר העם אל שאול היונתן ימות אשר עשה הישועה הגדולה הזאת בישראל חלילה חי יהוה אם יפל משערת ראשו ארצה כי עם אלהים עשה היום הזה ויפדו העם את יונתן ולא מת” (שמואל א’ יד, מה)

“ויאמר אם תחזק ארם ממני והיתה לי לישועה ואם בני עמון יחזקו ממך והלכתי להושיע לך” (שמואל ב’ י, יא)

“הנה אל ישועתי אבטח ולא אפחד כי עזי וזמרת יה יהוה ויהי לי לישועה” (ישעיהו יב, ב)

“ושאבתם מים בששון ממעיני הישועה” (ישעיהו יב, ג)

“ביום ההוא יושר השיר הזה בארץ יהודה עיר עז לנו ישועה ישית חומות וחל” (ישעיהו כו, א)

“כה אמר יהוה בעת רצון עניתיך וביום ישועה עזרתיך ואצרך ואתנך לברית עם להקים ארץ להנחיל נחלות שממות” (ישעיהו מט, ח)

“מה נאוו על ההרים רגלי מבשר משמיע שלום מבשר טוב משמיע ישועה אמר לציון מלך אלהיך” (ישעיהו נב, ז)

“נהמה כדבים כלנו וכיונים הגה נהגה נקוה למשפט ואין לישועה רחקה ממנו” (ישעיהו נט, יא)

“וילבש צדקה כשרין וכובע ישועה בראשו וילבש בגדי נקם תלבשת ויעט כמעיל קנאה” (ישעיהו נט, יז)

“לא ישמע עוד חמס בארצך שד ושבר בגבוליך וקראת ישועה חומתיך ושעריך תהלה” (ישעיהו ס, יח)

“הבנהרים חרה יהוה אם בנהרים אפך אם בים עברתך כי תרכב על סוסיך מרכבתיך ישועה” (חבקוק ג, ח)

“ליהוה הישועה על עמך ברכתך סלה” (תהלים ג, ט)

“עזי וזמרת יה ויהי לי לישועה זה אלי ואנוהו אלהי אבי וארממנהו” (שמות טו, ב)

“קול רנה וישועה באהלי צדיקים ימין יהוה עשה חיל” (תהלים קיח, טו)

“אודך כי עניתני ותהי לי לישועה” (תהלים קיח, כא)

“רחוק מרשעים ישועה כי חקיך לא דרשו” (תהלים קיט, קנה)

“כי רוצה יהוה בעמו יפאר ענוים בישועה” (תהלים קמט, ד)

“גם הוא לי לישועה כי לא לפניו חנף יבוא” (איוב יג, טז)